Mairang, Naitung 24: U President ka Meghalaya Football Association (MFA) Bah Hamletson Dohling, ha ka sngi Palei, u la plie paidbah ia ka Mairang Super Leauge 2025 bad aiti ruh ia ka kali kit nongpang sha ka Pyndenumiong District Sport Associations (PDSA).
Ia kane ka jingialang la pynlong ha madan Dommawlum, Pyndenumiong Mairang kaba la wan ban iashimbynta da baroh 10 tylli ki club kiba iakhun ha kane ka lympung.
Ha shwa ban sdang ka jingialehkai, u Bah Hamlet kum u kongsan u la aiti ia ka kali kit nongpang (Ambulance) sha ka Pyndenumiong District Sport Associations, kaba u la pynioh lyngba ka Chief Minister Special Development Fund (CMSDF).
Haba ai jingkren, u Bah Hamlet u la ai khublei ia ka PDSA kaba la pylong ia kane ka lympung kum shi bynta ban plie lad ia ki khun samla jong ka dong ka thain kiba don ia ki sap ialehkai ba kin kiew shaphrang ha ka jingialehkai ka jong ki.
U Bah Hamlet u la pyntip ruh ba ki don kumba 10 tylli ki club kiba ia shim bynta ha kane ka lympung bad ka club kaba ioh ban rah ia ka nam lahduh kan ioh ban ia shim bynta ha ka Meghalaya State League ka ban mih khmat na ka bynta ka Pyndenumiong District Sport Associations.
U la ong ba ka jylla Meghalaya ha u snem 2027 kan ioh ban pynlong ia ka National Games, kumta na ka liang jong ka MFA ka la trei shitom bha bad leit sha kylleng ki jaka nongkyndong ban wad ia ki samla donsap ha ka kam ialehkai bad yn thung ruh ia ki nonghikai ne coach ba tbit namar ba ki kwah ba ka jylla Meghalaya kan ioh jingjop.
Haba kren halor ka jingaiti ia ka Ambulance u Bah Hamlet u la ong ba ha man la ka jingialehkai ki ju don ki khep ba ki don ki jingmynsaw ia ki rang ialehkai bad lyngba kane ka Ambulance kan iarap ban pynkit mar mar ia ki player sha jaka ai jingsumar haba ki don ki jingjia ba mynsaw ki player.
 Bah Hamletson Dohling, ha ka sngi Palei, u la plie paidbah ia ka Mairang Super Leauge 2025 bad aiti ruh ia ka kali kit nongpang sha ka Pyndenumiong District Sport Associations (PDSA).){kind=link}