Nongpoh, Rymphang 10: Ka University of Science and Technology Meghalaya (USTM) ryngkat ka Association of Indian Universities, ki la plie pyrda ia ka lympung ialehkai jong ki skul bah ka thaiñ Kam Shatei Mihngi ba la tip kum ka AIU East Zone Inter University Handball Tournament.
Ia kane ka lympung ialehkai laj plie da u Myntri ki kam ialehkai ka Jylla Bah Wailadmiki Shylla ha ka jingiadonlang u nongialehkai ba pawnam ka Assam Narayan BHuyan, u DSO Bah Bobby L Nongbeit, ka Dipa Choudhury, Joint Secretary, Assam Olympic Association bad Gautam Choudhury, Associate Joint Secretary, Assam Olympic Association bad kiwei kiwei. Ia kane ka lympung ialehkai la pynlong ha Sports Complex ka USTM.
Haduh 50 tylli ki skulbah ka thain ki la shimbynta ha kane ka lympung bad la phiah haduh 75 tylli ki kynhun. Ia ka jingialehkai la plie da ka kynhun jong ka Berhampur University Odisha bad ka Banaras Hindu University.
Haba kren kum u kongsan, u Bah Wailadmiki Shylla, u la ai jingiaroh ia ki bor jong ka AIU East Zone kiba la jied ia ka USTM kum ka jaka ban pynlong ia kane ka lympung ialehkai Handball kaba heh jong ki skulbah ka thaiñ Shatei Lam Mihngi kaba long ruh shibynta ban kyntiew ym tang ia ka jingialehkai handball hynrei ban wanrah ia ka jingithuh ithaw, ka jingiatylli bad jingsngewthuh jingmut hapdeng ki samla pule ha ki skulbah bapher bapher jong ka thaiñ.
“Na ka liang ka sorkar jylla ka ju ai mynsiem bad ka kyntu ia ki samla ba kin mih shakhmat ban shimbynta ha ki kam ialehkai sport bapher bapher bad kino kino ki samla ialehkai kiba lah ban wanrah takma na kino kino ki rynsan ialehkai shabar jylla (National) kin ioh kam sorkar khlem kano kano ka kyndon”, ong u Bah Wailadmiki.
 ryngkat ka Association of Indian Universities, ki la plie pyrda ia ka lympung ialehkai jong ki skul bah ka thaiñ Kam Shatei Mihngi ba la tip kum ka AIU East Zone Inter University Handball Tournament.){kind=link}