Shillong K’lyngkot 09 : U Myntri Rangbah ka Jylla Conrad K Sangma hynne ka sngi nyngkong, ula plie paidbah ia ka Chenanggre Stadium ha Adokgre, North Garo Hills ha ka jingiadon ryngkat u Symbud Lamphang Timothy D Shira bad ki MLA ba kynthup ia u Marcuise Marak, Rupert Momin bad Marthon Sangma.
Chenanggre Stadium was constructed in 2 phases with Phase 1 funded by @TribalAffairsIn & the State scheme & Phase 2 from State resources
We are elated to see this project through & hope that the infrastructure will encourage the youth to take up sports as a career. @MundaArjun
— Conrad Sangma (@SangmaConrad) January 9, 2023
Haba plie ia kane ka stadium kum ka jingburom ia u Kpa (L) Purno A Sangma, u Conrad ula ong ba u Kpa jong u, u dei uba sngew jan bha ia ka Adokgre bad ki paidbah jong ka thain.
Ula ong ba kane ka stadium ka dei shi bynta na ka jingkwah jong u Purno na ka bynta ki paidbah. Ula pyntip ruh ba ka Sorkar kala wanrah ia shibun ki skhim bad ki prokram ban pynthikna ba ki kam pynroi kin poi sha man ki kyndong kynshrot jong ka Jylla.
Ula pyntip ruh ha kane ka jingialang baka Sorkar Jylla kan iai bteng ban wanrah ia ki kam pynroi ha North Garo Hills na ka bynta ka jingbha jong ki paidbah ka thain.
Ia kane ka Stadium la pyntrei ha ka jinglut jingsep ba kot T. 17.28 klur.
Ha kane ka sngi u Myntri Rangbah ula plie ruh ia ka Hamilton Stadium ha Bakenang Nalsa Bajengdoba, North Garo Hills kaba la pyntrei ha ka jinglut jingsep ba kot T.3.01 klur.
Overjoyed to inaugurate the Hamilton Stadium at Bajengdoba, North Garo Hills District 2yrs after laying its foundation
As promised, the NPP-led Govt. is continuing its mission to revamp sports infra in line with our goal to groom sporting talents in the state@ianuragthakur pic.twitter.com/7MvkxWWqn1
— Conrad Sangma (@SangmaConrad) January 9, 2023
Haba ai burom ia kane ka stadium sha ki paidbah ka Bajengdoba, u Myntri Rangbah ula ong ba ka Sorkarkala iohi jngai ia ka jingdonkam ki madan ialehkai kiba paka na ka bynta ki samla ka Jylla.
Ula pyntip ruh ba ka Sorkar Jylla kan sa nang theh pisa ban pynheh ia kane ka stadium.
