Shillong, K’lyngkot 09 : Hapdeng ka jingpynksan ba ka party kan thaw ia ka Sorkar ba thymmai bad kan ioh ia ka absolute mority ha ka elekshon MLA-2023, ka BJP-Meghalaya hynne ka sngi ka hap ban khot thep kyrteng ia ki kyrtong kiba kwah ban iakhun ia ka elekshon hapoh ka Jylla.
Kane ka jingkhot thep kyrteng ka BJP kala pynkynsit ia kiba bun balang namar ka Party kala iai kam baroh shikatta baka don bun bah ki briew kiba kwah ban iakhun ia ka elekshon na ka party kynthup ia ki MLA ba mynta.
Ha kine ki shibnai-arbnai bala lah, ka BJP kala sakhi ia ka jingwan pyniasoh jong ki briew kynthup ki MLA bad MDC lane ki Nongmihkhmat kiba rim. Hynrei, kala mad pat ia ka jingphet seng jong kiba bun na ki nongkitkam kiba la rim. Ka daw hi ka dei namar ka jingbym burom bad ka jingkyntait ban ai ticket ia ki.
Ka jingpynbna bala pynmih da u President ka BJP-Meghalaya Bah Ernest Mawrie hynne ka sngi nyngkong, kala ong b aka jingthep kyrteng ia ki kyrtong sha ka elekshon MLA-2023 yn pdiang nadh ka 9 tarik Kyllalyngkot haduh ka 15 tarik. I aka application dei ban pynpoi haka Ophis ka party lem bad ki jingbatai ba bniah jong ki ba applai.
