Tura, Naitung 27 : Ka sor Tura kala ioh ia ka showroom thymmai ki kali arshaka ban pynbiang ia ka jingdawa kali arshaka ha Ri-lum Garo. Ka JN Suzuki, ka kompani die kali arshaka, kala plie ia ka shnat treikam ba thymmai ha Tura ha ka sngi Saitjain.
Kane ka showroom ka don ha Araimile, New Tura, kaba don marjan ka Tura Beat House ba thymmai. Ka dei ka showroom kaba lai hapoh Jylla hadien ka Shillong bad Jaintia Hills.
Ia kane ka showroom la plie da u Superintendent of Police ka West Garo Hills, Abraham T Sangma.
Kane ka showroom ka buh ia ki kali arshaka bapherbapher kynthup ia ka Suzuki Access 125, ka Avenus, Burgman, Suzuki Gixxer bad ka adventure motorcycle V-Storm SX 250cc.
Naor kane, ka showroom ka don ruh ia ka workshop bad service station ban maramot, die ia ki tiar bad kiwei kiwei.
