Nongpoh, Risaw 9: Ka Northeast Centre For Technology Application and Reach (NECTAR) hynne ka sngi Nyngkong, kala ot ribbon ia ka jingai jinghikai ri ngap kat kum ka juk stad ba mynta sha ki nongri ngap kiba la shah jied kyrpang na kylleng ki Jylla ka thain Shatei Lam Mihngi.
Ka NECTAR ka dei ka bor treikam kaba hap hapoh ka jingkhmih jong ka Ministry of Science & Technology, ka Sorkar India.
Kane ka jingai jinghikai kaba la pynlong ha RRTC, Umran, Ri-Bhoi, kan neh haduh ka 13 tarik u bnai Risaw.
Ha kane ka prokram, la wan ban ai jinghikai kyrpang da u Jan Arie Van Berkum naka PUM Experts, Netherland, kum u Resource person haka jingsakhi lang da u Dr. Arun Kumar Sarma (Director General) ,NECTAR uba la long kum u kongsan jong ka program, u Dr. Collin Z Renthlei (Advisor Technical) NECTAR, Rajendra Jena (Chief Geomatics Officer) NECTAR bad u Mariadon Pathaw, Food Technologist, NECTAR.
Haba kren naka liang u bah Mariadon Pathaw, Food Technologist, NECTAR, u la ïathuh ba ka jingthmu jong Kane ka training ka ban neh shitaïew duna ka long ban wan rah ïaka jingmut jingpyrkhat kiba thymmai naka bynta ki nongri ngap ba kumno yn dang pynjanai shuh shuh ha ki kam ri ngap bad kumno ban saiñ ïaka um ngap sha kiwei pat ki Jait jingbam.
