Shillong, Kyllalyngkot 02: Ka Enviroskills Academy, kaba la ioh ia ka jingithuh kum ka jaka pule Institute for Hotel Management and Hospitality kaba bat ia ka kyrdan kaba Nyngkong ha Goa, kala plie ia ka Centre ne ka shnad kaba 5 ka jongka hapoh ka nongbah Shillong hynne ka sngi Thohdieng.
La seng ia kane ka jaka pule ha Meghalaya, kata hadien jongka Goa, Bangalore, Lucknow bad Guwahati bad kane ka Centre kaba thymmai ka wanrah ia ka jingpule kaba salonsar kaba don ia ka jingiajan bad ka thain shatei lammihngi hapoh jongka jingiohi jngai “Learn in Shillong, Earn Abroad”.
Kumba long haduh mynta, ki samla pule na Meghalaya bad ki jylla kiba marjan ki hap ban leit shaduh sha Goa ban pule ha kaba iadei bad ka Hospitality Education ha Enviroskills Academy. Hynrei da ka jingplie ia kane ka Centre ha Shillong, ki samla pule ki lah ban ioh lang ia kajuh ka jinghikai kumba ai ha Goa ha kaba ai jinghikai, ki nonghikai ryngkat bad ka jingkyrshan ban pynbuh kam ia ki.
Kane ka Centre ka tyrwa ia ka jingpynthikna ban ai kam kaba 100% kaba kamai kum shabar jongka ri bad ban leh ia ka Internship ha Middle East, Thailand, Vietnam, Maldives bad Mauritius, ryngkat bad ban iohkam hapoh ka ri India.
Kane ka prorkam ka banjur ia ka jingai jinghikai, ka jingdon ia ka kyrdan kum kiwei pat ki ri bad ka jingkloi ha kaban pynkhreh na ka bynta ka lawei.
Haba kren ha ka jingialang, u Rishi Srivastava u Founder & Director jongka Enviroskills Academy, ula ong, “Ka jingiohi jngai ka jongki ka long kaba shai, pule ha Shillong bad ban kamai kum shabar ri. Kane ka Centre ka pynthikna ba ki samla kiba donsap ka thain shatei lammihngi kin ioh ia ki jinghikai kiba ia ryngkat bor bad kiwei pat ki ri bad ka thikna ban iohkam iohjam khlem da donkam ban mih noh na ka thain ka jongki.
Kane ka Centre kala pyntip ba kala plie mynta ban pdiang ia ki samla kiba kwah ban pule ha ka Shillong Centre.
