Shillong, Jymmang 30: Kum shi bynta ban tei iaka jingiajan hapdeng ka tnat Pulit bad ki riew paidbah, ka Director General of Police (DGP) ka Meghalaya ka Kong Idashisha Nongrang haka sien ba nyngkong kala plie iaka jingkhang naka bynta ki paidbah.
Kane kadei ka sien ba nyngkong hapoh Meghalaya bad ka lah ban dei ruh ka sien ba nyngkong eh hapoh ka Ri, baka khliehduh jong ka tnat Pulit ka Jylla, ka plie iaka jingkhang ban iakren markhmat bad ki riew paidbah.
Ki paidbah ka Meghalaya ki lah ban kynduh markhmat iaka DGP man ka Sngi Palei (Thursday) naduh ka por 11 baje mynstep haduh 2 baje Nohphaisngi.
Ha kane ka sngi sdang ka jingkynduh markhmat iaki paidbah, kila don 40 ngut ki riew paidbah kiba la wan iakren markhmat bad ka DGP hapoh ka ophis Police Head Quarters, Shillong.
