Shillong, Rymphang 22 : Ka Airport Authority of India ha Shillong kala kynjoh ia uwei pat u mawmer da ka jing plie hynne ka sngi Palei, ia ka Taxiway bad ki Parking Bay na ka bynta ki liengsuin jong ka Alliance Air bad IndiGo Airlines ha Shillong Airport.
U Myntri Rangbah ka jylla u Conrad Sangma ula pynpaw haka Twitter bad pynbna ia katei ka jingkyntiew iaka jingtei bad jingshna na ka bynta ban pynsuk ia ka leit ka wan kaba kynthup ruh ban sdang ia ka projek thymmai ha kaban shna ia ka surok kaba pyniasoh iaka Shillong bad Umroi, da ka jingthmu ban pynduna iaka jingdheng kali ha ka jingkieng Damsite (Umiam).
Da ka jinglamkhmat jon gu MDC ka Mawlai u Bah Teiborlang Pathaw, kane ka projek kala ioh pdiang ia ka bhah tyngka lyngba ka North East Special Infrastructure Development Scheme, ban pynthikna ha ka ban pynsted ia ka leit ka wan bad ban pynduna iaka jingdheng kali.
Nalor kane ka Ministry of Development of North Eastern Region kala mang tynga ruh na ka bynta kawei pat ka projek kaban pyniasoh iaka Agia sha Medhipara, Phulbari bad Tura.
