Shillong, Nailar 16: Ka Skulbah North-Eastern Hill University (NEHU) kala rakhe iaka Independence Day kaba 77 da kaba pynlong iaka jingia rah lama lai rong ka ri ne Tiranga March bad kiwei kiwei ki prokram ban pyni iaka jingkitkhlieh kane ka skulbah ha kaba iadei bad ka pule puthi, ban pynneh iakakolshor bad kiwei kiwei.
Ha katei ka jingiaid rah iaka lama jong ka ri la iashimbynta da ki spah ngut ki samla pule ka NEHU ha ryngkat bad ka riam tynrai ban pyni iaka kolshor jong ki jaidbynriew ka thain shatei lam mihngi bad kadei ruh ka jingiaid jong ka jingiatylli ban kynmaw burom iaka jingiakhun jong ki nongialeh laitluid na ka thaiñ.
Ia katei ka jingiaid la pynkut ha Administration Building, ha kaba u Vice-Chancellor of NEHU ula pynher iaka lama jong ka ri India.
Haba ai jingkren u Vice-Chancellor ula ai burom kyrpang ia ki nongialeh laitluid ka ri kiba la len ia la ka jong ka jingim ban pynthikna ba ka ri kan ioh iaka jinglaitluid bad ula pynpaw ruh iaka bynta kaba khraw jong ki jylla ka thain shatei lammihngi kiba la iakhun pyrshah ia ki phareng bad kila iahsimbynta ruh ha ki jingiakhih kiba bun jait.
U Vice-Chancellor ula iawei ia baroh kiba donbynta, ki nonghikai, samla pule, ki samla pule kiba rim bad ki nongkyrshan ban iatylli lang naka bynta ban wanrah iaka jingkylla ban kyntiew bad ban rah shajrong iaka skulbah NEHU.
Pule lang ia kane: Mih ka kynhun Kaikhlaw thymmai ha Khasi Hills, kem ki Pulit ia ki Nongialam
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
