Lap ki bahaiing katba ki dang iohthiah ha painkhana ka Balang Catholic
Nongstoiñ, Naitung 26: Ki arngut ki heprit 11 snem, kiba jah rngai hynnin ka step na Tiehsaw, Nongstoin, kila phla ba ka jingjah rngai jong ki na Iing ka dei tang namar ba ki kwah ban leit shang suwari shabar jong ka Jylla.
Kine ki Khynnah ki kyrteng u Aibantei L Marshiangbai bad u Hamebatskhem Marwein. Kine ki arngut kila jah rngai ha ka sngi sngi Palei hadien ba ki mih na iing ban leit mareh step kumba ki ju leh manla ka sngi. Ia kine ki khynnah la iohi khatduh ha ka por 4:30 baje mynstep.
Ha ka jingiawad paidbah, ki bahaiing kila lap noh ia kine ki heprit tang hapoh ka 24 kynta bad la lap ia ki hapdeng ka jingioh thiah lyngngai na ka painkhana kaba don ha lyndet jong ka Iingmane ka Balang Catholic kaba don ha Sohpian.
Ha ka jingkylli bniah na ki para khynnah, ba shem ba kine ki arngut ki don ka jingthmu ban leit shang suwari shabar Jylla da ka pisa kaba ki shim jong ka Kmie kaba kot T.2500.
U Kpa jong uwei na kine ki Khynnah u iathuh ba ka jinglapdien ka dei hadien ba ki bahaiing kila leit wad ia kine ki khynnah sha ka steshon kali bad ioh jingtip nangne ba kine ki khynnah kila iaid da ka kjat sha ka surok ban leit sha Shillong.
U iathuh ba ha ka por ba ki poi ha Porsohsat, kine ki khynnah kila leit rung shwa sha kawei ka pung bad pynlut por baroh shisngi. Hynrei ha ka por janmiet, kila leit bam ja ha kawei ka dukan ha Sohpian bad namar ka jingbym tip shuh shano ban leit, kila leit ban thiah noh ha ka painkhana jong ka Iingmane ka Balang Catholic.
Ia kine ki khynnah la rah noh sha Civil Hospital ban phah khmih bniah ha ki doktor hashuwa ban shimti ki bahaiing ba kin ialam shala ki iing ki sem.
