Shillong, Jymmang 29 : Uwei u Nongkhaii droks ba 27 snem, bala tip kyrteng kum u Vicky Shabong, uba dei u nongshong shnong na Pynthor Block-I, Shillong, ula ioh ban phet tuh na ka kti ki Pulit katba ki dang ialam ban leit medical check-up ha Shillong Civil Hospital.
U Vicky u dei uba la shah kem halor ka case ha Nongpoh Police Station bad bala pynngat ia u hapoh ka kyndon 21 (b)/29 jong ka NDPS Act, u dei uba la shah set hapoh ka Judicial custody.
Kane ka jingjia kala jia ha ka Sngi U Blei ha ka por ba ki Pulit ki ialam ia u ban leh medical check up ha Civil Hospital.
Ki Pulit kila pynlong ia ka jingthwet kaba jur ban lapdien bad ioh kem biang ia une u nongkhaii droks.
Pule lang ia kane: Iatai ki MLA thymmai ka Jylla halor ki lad pyniasoh da ki kor Digital bad ki MP ka Ri Germany
