Nongpoh, Naitung 26: Ka Federation of Khasi Jaintia and Garo People, North Khasi Hills District ha ka sngi Saitjain, kila hiar leit khynra ia ki kot ki sla jong ki nongtrei bar jylla kiba trei ha LPG Bottling Plant ka Indian Oil Corporation Limited (IOC) haka shnong Pyllun, Ri-Bhoi District hadien ka jingshem ia ka jingjyllei jong ki nongtrei bylla ha katei ka Plant.
Kane ka jinghiar khynra ka dei kaba la ialam da u General Secretary ka FKJGP-NKH samla Ricky Majaw General Secretary, nalor u President ka FKJGP-Umiam Circle samla A Khonghat President Umiam Circle lem bad ki dkhot.
Kane ka kynhun ki dkhot ka FKJGP kila talasi ia ki kot ki sla ba kynthup naduh ki labour licence bad kiwei kiwei. Kane ka kynhun kala iakynduh ruh ia ki manager ba peit ia katei ka plant, kiba la kular ban leit sei ia ki kot ki sla jong ki nongtrei pynban kila phet rieh bad jah klep syndon na katei ka jaka. Wat ki nongtrei bar jylla ruh kila shu jah klep bad phet rieh.
Ki Nongialam ka FKJGP hadien ka jingap bun kynta, kila leit sha ka Ophis treikam ka IOCL ban iakynduh iaki bor ba dei khmih hynrei kine ki nongpyniaid kim shym la lah satia ban pynshisha ia ki kot ki sla.
La pyntip ba wat ka Dorbar Shnong jong ka shnong Pyllun kila pynpaw ba ka IOCL ka khlem pynthymmai shuh ia ka NOC bala ai da ka Dorbar Shnong.
Haba kren sha ki lad pathai khubor, u Samla Ricky Majaw u la pynpaw ba ka seng ka dap da ka jingsngewkhia kaba jur halor katei ka jingbym patiaw jong ka IOCL ban pynbiang ïaki kot ki sla ba donkam khamtam ki labour license jong ki nongtrei namar ka jingjyllei jong ki bar jylla kiba wan tuid ha ka thain.
Kum ka seng ka ai por 1 taiew ïaki bor ba dei peit ka IOCL ban pynbiang ïaki kot ki sla jong ka plant bad jong ki nongtrei haba dawa ba kane ka kompani ka dei ban pynsangeh shuwa ïaka kam ba ka trei katba kam pat lah ban pynbiang ïaki kot ki sla ba donkam.
Naka liang u Bah Anthony Passah Rangbah Shnong ka shnong Pyllun u la ong ba kum ka shnong ka ai ka jingkyrshan ïaka seng FKJGP kaba la shim ïa katei ka sienjam.
 haka shnong Pyllun, Ri-Bhoi District hadien ka jingshem ia ka jingjyllei jong ki nongtrei bylla ha katei ka Plant.){kind=link}