Shillong, Jymmang 05 : U Saptarshi Bhattacharjee jong ka Laban Bengalee Boy’s Higher Secondary School ula ong ba ka jingshimkhia bad jinglong tista kala iarap ia u sha ka jingjop ban ioh ia ka kyrdan nyngkong ha ka eksam HSSLC-Science stream mynta u snem.
“Ngam ju don ia ka routine ba thikna. Nga pule ym duna ia ka 6-7 kynta shisngi. Ngam ju ieh ia ka jingpule” ula bynrap.
Ula ai burom ruh ia ka jingjop jong u sha ki bahaiing, ki nonghikai bad ka skul baroh kawei bad ong “Baroh kine kila iarap ha kane ka jingiaid lynti”.
U Bhattacharjee u bteng ia ka jingpule ha ka B-Tech course shabar ka Jylla bad u don ka jingangnud ban long u engineer ha NASA lane ISRO.
