Shillong, Nailur 13: Ki shipai ba dang don haka kam bad kiba la shongthait (ESM) na ki Jylla ka thain shatei lammihngi (North East) ka Ri India ki la wanrah ia ka burom kaba khraw ia ka jaitbynriew lyngba ka jingshakri.
Kum ka jingai jingithuh ia ki jinglen lade lyngba ki jingdonkam ba kyrpang jong ki riewshlur jong ki Jylla ka thain shatei lammihngi, la pynlong ia ka Rajya Sainik Board Director’s Conclave kaba ar sngi ha Shillong da ka HQ 101 Area.
Haka Conclave la iakren shaphang ki mat kiba kongsan kiba iadei bad ka jingbha jingmiat jong ki shipai rangbah, kynthup ia ka SPRASH (System for Pension Administration Raksha), ka ECHS (Ex-Servicemen Contributory Health Scheme) bad kiwei ki lad jingmyntoi.
Ki jingiakren ki long ban pynbha ia ka rukom treikam jong ka bha jingmiat jong ka ESM, kaba la pynbeit katkum ki jingdonkam ba kyrpang jong ka thain shatei lammihngi.
Ki heh ophisar kiba wan shim bynta haka Conclave ki kynthup, u Secretary jong ka tnat Ex-Servicemen Welfare, u General Officer Commanding (GOC) jong ka 101 Area Shillong, u Pension Comptroller of Defence Accounts (Prayagraj), bad ka Directorate of Resettlement ha ryngkat bad ki Director na ka Rajya Sainik Ki Board jong ki jylla jong ka thain shatei lammihngi.
Haka jingialang yn pyrshang ban ithuh ia ki jingeh ba kongsan bad ban thaw ia ki lad ki lynti kiba lah ban leh ban kyntiew ia ka jingbha jingmiat jong ka ESM ha kylleng ka thain.
 na ki Jylla ka thain shatei lammihngi (North East) ka Ri India ki la wanrah ia ka burom kaba khraw ia ka jaitbynriew lyngba ka jingshakri.){kind=link}