Shillong, Nailar 29 : U MDC ka Laban-Mawprem constitueny Bah Ricky Shullai, hynne ka sngi Thohdieng ula dawa na u Chief Executive Member ka Khasi Hills Autonomous District Council (KHADC) Bah S Rynjah ban tuklar halor ka jingkynnoh ba ka sorkar jylla kala phah pyntreikam ia ki scheme ka 15th Finance Commission lyngba ka Shillong Municipal Board.
U Bah Ricky Shullai haba iakren bad ki nongpathai khubor ula ong ba katkum ka Tender kaba la khot da ka SMB ha ka 28 tarik u Nailar 2025, kala khot ia ki kontraktor ban pyntrei ia ki kam kiba hap hapoh u pud u sam jong ki constituency MDC kum ka Jaiaw-Mawprem, Mawkhar-Pynthorumkhrah, Laban-Mawprem bad Laitumkhrah-Malki, khlem da burom ia ka bor jong ka KHADC bad ban pyntlot ia kanrukom treikam jong ki MDC.
Katkum ka jingong ka jongu, ki skhim kiba dei na ka bynta ki constituency jong ki MDC ia kaba la pyntreikam naduh mynshwa da ka KHADC ha ryngkat ka jingiatreilang bad ki MDC.
U Bah Shullai ula pynpaw ba kane ka jingleh jong ka sorkar ka long kumba iuhroit ia ka bor jongka KHADC, kaba la shah pynkup bor katkum ka Sixth Schedule jongka riti synshar ka ri India.
Ula pynpaw ia ka jingsngewkhia ba kane ka jingleh ka long kaei kaei kaba buh ha ka jingma kaba khraw, da kaba ailad ia ki skhim kiba dei na ka bynta ki paidbah jong ka district la pynkhamti noh ia ka bor ha ka kynhun kaba na shabar khlem da kynthup lang ia ka Council.
“Kum u MDC uba la shah jied na ka 15 Laban Mawprem Constituency, Nga pyrshah jur ia kane ka rukom leh. Nga lah shimkhia ia kane ka mat bad u Chief Executive Member (CEM) ka KHADC ban dawa ba udei ban tuklar mardor bad ban pan jingpynshai na ka sorkar jylla” la o g u Bah Shullai.
“Nga pynthikna ia ki paidbah jongka constituency ka jong nga bad ia ki paidbah baroh ba ngan bteng ban iada ia ka bor bad ia ka jinglong kongsan ka District Council ka jong ngi bad ban pynthikna baki skhin kiba dei na ka bynta ki briew ki jong ngi kim dei ban shah rah jubor noh ne shah pynkynriah noh shawei” ula ong.
 Bah S Rynjah ban tuklar halor ka jingkynnoh ba ka sorkar jylla kala phah pyntreikam ia ki scheme ka 15th Finance Commission lyngba ka Shillong Municipal Board.){kind=link}