Shillong, Naitung 20: Ka Khasi Student Union (KSU) Employment Monitoring Cell hynne ka sngi ka la phah dorkhas sha u Myntri Rangbah ka jylla Conrad K Sangma ban tuklar lem halor ka jingthung kam thung jam jong ka Post Office na bynta ki post Gram Dak Sevak (GDS), Asst. Branch Post Master (ABPM) bad Branch Post Master (BPM).
Kat kum ki tyllong khubor bad ka jingwad bniah jong ka seng la lap ba man ka por ba ju lait kam ha Post Office, bun beit ki bar jylla kiba ioh kam namar ka kyndon ban jied ka dei tang ia ki ba nang ka ktien English bad Hindi bad kane ka long kawei na ki daw kaba long dieng pynkiang ia ki paidbah jong ka jylla.
Watla na ka liang seng ka la kyntu ia ki bor pyniaid halor kane ka kam bad u Myntri Rangbah ruh ula thoh sha ka Ministry of Communication ban pynrung lang ia ka ktien Khasi bad Garo haba pynlong ia ka jingthepkam, hynrei ka seng ka lap ba kane kam shim la iarap satia namar ka Post Office kam pat weng ia ka ktien English bad Hindi bad bun ki bar jylla ki ioh ban thepkam bad ka jingioh Marks kham bun ha Metric ka pynlong ia ki ban shah jied ha ka Merit List bad kane kam iahap satia ban shu jied tang da ka Merit List khlem pynshong nongrim ia kiwei ki bynta.
Na ka liang ka seng ka iai ban ba kine ki Post dei beit ban ioh ki trai jylla namar ka kam kan kham suk ha kaba iadei bad ka ktien ka thylliej bad ka jingtip ki ki jaka bad ki briew kiba wan na bar kin eh bad pyntyllun ia ka kam.
Halor kane ka seng ka dawa na u myntri rangbah ba udei ban pynbeit ia kane ka kam bad dei ban weng noh ia ka ktien English bad Hindi bad pynrung tang ia ka ktien Khasi bad Garo khang ba ki trai jylla kila ioh ia ki kam ioh jam ha Post office.
Pule ruh: Mynsaw 3 ngut kynthup 2 ngut ki khunlung ha ka iatyngkhuh kali
 Employment Monitoring Cell hynne ka sngi ka la phah dorkhas sha u Myntri Rangbah ka jylla Conrad K Sangma ban tuklar lem halor ka jingthung kam thung jam jong ka Post Office na bynta ki post Gram Dak Sevak (GDS), Asst. Branch Post Master (ABPM) bad Branch Post Master (BPM).){kind=link}