spot_img

Phah tuklar ka JNC ha u DMHO ba khlem treikam ka OT bad Laboratory ha Khliehriat Civil Hospital

Date:

Share post:

Shillong, Lber 28: Ka Jaintia National Council (JNC) Khliehriat Circle hynne ka sngi Thohdieng, kala phah tuklar ha u District Medical & Health Officer (DM&HO) East Jaintia Hills Dr D Shylla halor ka jingbym treikam ka Operation Theatre bad ka Clinical Laboratory cum Blood Transfusion Services hapoh ka Khliehriat civil hospital.

Ha ka kyrwoh, u president ka JNC u Bah Shanborlang Bamon u la ong ba ka long ka ba donkam kyrkieh ban pyntreikam noh ïa ka Operation Theater bad Clinical Laboratory Cum Blood Transfusion Services na ka bynta ka jingmyntoi jong ki paidbah ka District baroh kawei.

“Kumba phi tip, ka jaka sumar kaba la pynkhreh bha bad kaba lah ban treikam ka long kaba donkam bha na ka bynta ban pynïaid ïa ki jingshah sumar kiba kyrkieh bad kiwei kiwei ki rukom sumar. Kaba sngewsih ka long ba ka jinglong jingman jong ka jaka sumar kaba mynta ka la wanrah ïa ki jingeh ban pynbiang ïa ki jingïarap ha ka por kaba biang, kaba la pynbor ïa ki nongpang ban wad jingsumar ha ki jaka ba jngai. Kane ka buh jingma iaki nongpang khamtam ia kito kiba donkam ban shah puid kyrkieh” u la ong.

“Ka jingbymdon bad ka jingbym treikam ki Critical Diagnostic Services bad ka Blood Transfusions ka pynslem ïa ki jingshakri ba kongsan ban wad bniah ïa ki jingpang bad ki jingai snam bad ka pynkhia iaki hospital ba marjan. Ka Critical Diagnostic Services bad ka Blood Transfusions ka long kaba donkam ba kyrkieh namar kan pynbha shibun ïa ki jingshakri ha ka koit ka khiah bad kan pynim ïa kiba bun ki jingim da kaba pynthikna ïa ka jingdonkam snam ha ka por kaba biang” u la ong.

Share post:

spot_img
spot_img

Popular

More like this
Related

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...

Pdiang ka Iingkashari iaka mukotduma ka SRT pyrshah ia ka jingai ST ka Tnad Social Welfare

Shillong, Jylliew 27 : Ka Iingkashari High Court ha...