Shillong, Naitung 10 : Ka Iingdorbar lyiur ka Khasi Hills Autonomous District Council (KHADC) kala rai ban phah shuwa sha ka Select Committee ia ka kaiphod jong ka Delimitation Committee, kaba tyrwa ban pynbeit thymmai ia u pud u sam jong ki 29 tylli ki constituency ka Council ha Ri-lum Khasi.
Ia kane ka rai la shim hadien ba u Deputy CEM Bah PN Syiem, uba khmih ia ka Elaka, ula wanrah ia ka kaiphod jong ka Delimitation Committee hapoh ka Iingdorbar, kaba la aiti sha ka Executive Committee jong ka Council ha ka 8 tarik u Naitung.
Haba pynpaw ia ka jingbym pdiang ia ka kaiphod, u Nongialam ka Liang Pyrshah Bah Titosstarweel Chyne ula ong “Ka EC kala wanrah kyrkieh ia ka kaiphod khlem da aipor ia ki dkhot ka Iing ban pule bad bishar bniah”.
Une u CEM barim ula ong ba ka thong jong ka Delimitation Committee ka long ban pynbeit ban long mar katjuh ia ka jingheh u pud u sam ki constituency bad ka jingdon ki nongthep vote hynrei haba peit ia ka kaiphod, ka Committee ka khlem kdew satia ia ka jingdon ki nongthep vote ha man ki constituency.
“Khnang ban ailad iaki dkhot jong ka iing ban pule bad bishar bniah shwa iaka kaiphod, Ngi pynsngew hangne ba donkam ban phah shwa iaka kaiphod shaka Select Committee. Nga kwah ban pynpaw hangne baka jingbym pdiang iaka kaiphod kam mut ba ngi pyrshah iaka kaiphod” ong u Bah Titos.
Haba pynpaw iaka jingmynjur iaka jingai jingmut ka LiangPyrshah, u Deputy CEM ula ong “Ka iing ka pdiang ban phah shuwa iaka kaiphod jong ka Delimitation Committee shaka Select Committee”.
Ha kane ka sngi la thung ruh ia ki dkhot ka Select Committee kiba kynthup ia u DyCEM kum u Chairman, u Nongialam ka Liangpyrshah u Bah Titosstarwell Chyne, u Bah Jambor War, u Bah Bindo Lanong, u Bah Lambor Malngiang, u Bah Balajied Rani bad u Secretary ka EC kum u member secretary.
 kala rai ban phah shuwa sha ka Select Committee ia ka kaiphod jong ka Delimitation Committee, kaba tyrwa ban pynbeit thymmai ia u pud u sam jong ki 29 tylli ki constituency ka Council ha Ri-lum Khasi.){kind=link}