Shillong, Nailar 20 : Ka Iingkashari Session Judge hynne ka sngi Ba-ar, kala hukum ban set 14 sngi hapoh ka Judicial custody, ia u Nongtrei ka NEC uba jrong kti bad thmu leh beijot ia la para nongtrei ba 21 snem.
Une u nongtrei ka NEC ba kyrteng u Shambhu Sharma ba la 58 snem, u dei uba trei kum u Cashier ka NEC. U Shambhu ula shah kem ha ka janmiet sngi Nyngkong na ka Quarter ba u sah hadien ka jingujor ejahar da kane ka lanot ha Laitumkhrah Police Station.
Hadien ba ialam leit phah khmih ha ki Doktor, ki Pulit kila ialam tian bishar ia u Shambhu hakhmat ka Iingkashari u District & Session Judge ha ka sngi ba-ar.
