Shillong, Jymmang 21 : Ki Pulit ka Umroi PIC hynne ka step, kila ioh tam ia ka metiap jong u Junior Engineer ka Tnad Water Conservation, Shillong, kaba la per ha sla um jong ka Wah Umiam.
Une u Junior Engineer u dei u Bah Ron Cooper Massar ba 54 snem ka rta, uba dei na ka shnong Umroi Jaiawpdeng, Ri-Bhoi District.
U Bah Ron Cooper Massar u dei u Rangbah ula jah rngai hynnin ka sngi Nyngkong naduh ka por 4 baje mynstep hadien ba u mih na iing ban leit mareh kai step.
La iathuh ba hynne ka step katto katne ki briew kila iohi ia ka metiap kaba per ha sla um jong ka Wan Umiam, kaba don ha ka thain Umroi Nongrah. Ia kane ka metiap lah lah ban sei sha ryngkew da ka jingiarap ki nongshongshnong ka thain.
Ki bahaiing bahasem kila pynithuh ia kane ka metiap u Bah Ron bad ki Pulit kila pynkit noh ia ka met sha Civil Hospital, Nongpoh ban leh ia ka post mortem khnang ban lap ia ki daw tynrai jong ka jingiap.
Ki pulit kila suba jur ba ka jingiap jong une u rangbah ka lah ban dei na ka jingngam jyllop.
