Shillong, Naiwieng 29: Ha ka jingpynhap pyrda ia ka International Film Festival of India (IFFI) 2025 la pyninam kyrpang ia ki kolshor kiba bun rukom jong ka ri India, da kaba wanrah lang hajuh ia ki riti dustur, ki jinghiar pateng na ki barim bajah ia ki jinglong tynrai ha kaba iadei bad ka rwai bad ka shad ha ka rynsan jong ka pyrthei.
Mynta ka snem, ha ka jingpyninam ia ka kolshor kadei kaba la pynwandur ban mihkhmat ia baroh kawei ka bynta jong ka ri India, naduh na ka jaka shyiap jong ka Rajasthan bad ki riti dustur tynrai ka Karnataka bad ka jingiar ka kolshor jong ka thain shatei lammihngi bad ki jingrwai bad ki jingtem kiba kit jingmut kiba pyni ia ka mynsiem jong ka ‘Ek Bharat Shreshtha Bharat’.
Kawei hi na ki jingpyninam kaba kongsan kadei ia ka kolshor ka thain shatei lammihngi kaba la pynwandur da u Ranjit Gogoi, kaba long kawei na ki jingpyni kaba remdor bha ia kaban ioh ban pyni syndon ha ka rynsan jongka IFFI. La pynwandur ha ki artylli ki bynta halor ka thain shatei lammihngi ban rakhe ia ka jingnoh synniang ka thain sha ka Cinema ha ka ri India bad ka jingdon ia ka kolshor kaba iar jong ki 8 tylli ki Jylla.
Ha ka bynta kaba nyngkong, la ioh ia ki jingshad ha ka jingpyninam ia ki kam radbah kiba la leh da u Dr. Bhupen Hazarika, S.D. Burman, R.D. Burman, Zubeen Garg bad Papon. Kane ka prokram ka pyni ia ka jingnoh synniang ka thain ha kaba iadei bad ka jinglong jingman ka Cinema hapoh ka ri lyngba ki jingrwai bad ki sur jingtem.
Ha ka bynta ka baar, la pyninam ia ka jinglong kyrpang jongki 8 tylli ki Jylla ka thain shatei lammihngi kaba kynthup ia ka Nyapa Cham bad Zya Cham na Arunachal Pradesh, Bihu jongka Assam, Cheraw ne Bamboo Dance jong ki Mizoram, Wangala jong ka jylla Meghalaya, Pung Cholom jong ka Manipur, Tripura’s Sangrain, Warrior Dance jong ka Nagaland bad Singhi Chaam jongka Sikkim.
Kane ka bynta kala khring ia ki jingtem bad ki jingsawa, ka rong ka rup bad ka kolshor kaba bunjait, kaba pynskhem ba ka ri India kadei kaba iatylli lyngba ka jingdon ia ki jinglong tynrai ki bapher bad bunjait. Kane ka bynta kadei kala ieng kum kata kawei na kiba khraw eh ka jingpyninam ha kane ka jingpynhap pyrda.
Ryngkat bad ki nongiashimbynta na Rajasthan, Karnataka, Assam, Arunachal Pradesh, Mizoram, Tripura, Sikkim, Manipur, Nagaland bad Meghalaya, kane ka jingpynhap pyrda kala long kum ka jingpyninam kaba pura jong ka ri ha ka rynsan kaba pawnam ha ka pyrthei.
 2025 la pyninam kyrpang ia ki kolshor kiba bun rukom jong ka ri India, da kaba wanrah lang hajuh ia ki riti dustur, ki jinghiar pateng na ki barim bajah ia ki jinglong tynrai ha kaba iadei bad ka rwai bad ka shad ha ka rynsan jong ka pyrthei.){kind=link}