Shillong, Iaiong 21 : U President ka United Democratic Party (UDP) Bah Metbah Lyngdoh ha ka sngi Ba-ar ula pyntip ba ka party kan dang ban shim rai ban pynieng kyrtong ha ka elekshon shiteng samoi jong ka Shillong Lok Sabha bad kan sa iakren ia kane ka kam ha kane ka taiew ba mynta.
“Em, pat shim rai. Ia mynta, ka party kan sa shong ha kane ka taiew ban iakren halor ka jingiaid ki kam ba iadei bad ka jingjied ia u kyrtong” ong u bah Metbah haba kylli la ka UDP kala rai iano ban ai ticket.
Ula pynpaw ba ka Election Commission kam pat pynmih jingpynbna satia ia ka tarik ban pynlong ia ka elekshon.
“Haduh mynta ngim pat ioh pdiang ia kano kano ka jingtip haba iadei bad ka jingpynbna ia ka tarik ban pynlong ia ka elekshon” ula ong.
Haba kylli ia ka jinglah ban mih u kyrtong iamonlang, u Bah Metbah ula ong “Kam pat don eiei kaba kum kata. Ngam don eiei ban ong ia kane”.
Halor ka khubor ba katto katne ki MLA ka party kila ai jingmut ban nym iakhun ha kane ka elekshon shiteng samoi, ula ong ba um pat ioh pdiang satia ia kano kano ka jingtip halor kane.
“Em, ngam pat ioh satia ia kano kano ka jingtip halor kane. Ngin dang ban iakynduh. Ngin sa shim rai kumno ban iaid shakhmat” ula ong.
 Bah Metbah Lyngdoh ha ka sngi Ba-ar ula pyntip ba ka party kan dang ban shim rai ban pynieng kyrtong ha ka elekshon shiteng samoi jong ka Shillong Lok Sabha bad kan sa iakren ia kane ka kam ha kane ka taiew ba mynta.){kind=link}