Shillong, Jylliew 30: U President ka United Democratic Party (UDP) bah Metbah Lyngdoh hynne ka sngi Thohdieng, ula pyntip baka Party kan sa shong pyrkhat bad kan sa shim ia ka rai halor ka nongrim bakan ieng haba iadei bad ka Uniform Civil Code (UCC).
Haba kren sha ki lad pathai khubor u bah Metbah ula ong ba ka Party kam pat shym la shim ia kano kano ka rai halor ka jingthmu jong ka sorkar India ban wanrah ia ka UCC ne ka aiñ salonsar ban treikam ha ka ri ha kaba iadei bad ka ïathoh shongkurim bad pynlait san shyieng, ka hiar pateng bad ka ruh ban ting khun.
U bah Metbah ual ong ba ka dang kloi palat ban kynthoh eiei halor kane namar ym pat tip la kane ka Bill ba ka sorkar kan wanrah kan long ha kano ka dur bad ha kano ka rukom kan treikam.
“Ngam pat lah ban ong eiei la ban kyrshan ne pyrshah namar ngim pat tip kaba kumno ka jingtyrwa ka sorkar India kan wanrah dei tad ynda ngi la iohi ia ki jingtyrwa ba kumno ka sorkar kan pyntreikam” la ong u bah Metbah.
Pule ruh: Pynkhreh ka UDP ia 8 tylli ki jingai jingmut sha ka Expert Committee jong ka Reservation Policy
 bah Metbah Lyngdoh hynne ka sngi Thohdieng, ula pyntip baka Party kan sa shong pyrkhat bad kan sa shim ia ka rai halor ka nongrim bakan ieng haba iadei bad ka Uniform Civil Code (UCC).){kind=link}