Shillong, Naitung 25 : U Symbud Myntri Rangbah ba khmih ia ki kam Pohiing (Police) Bah Prestone Tynsong ula pynpaw ba haduh mynta ym pat ioh jingtip satia ia ka jingdon ki mynder ri kiba shah kyndang na Assam, kiba wan rung sha Meghalaya.
“Haduh mynta, kam pat don satia kano kano ka jingtip ia ka jingwan rung ki mynderi ri shapoh ka Jylla” ong u Bah Prestone haba iakren bad ki nongthoh khubor ha ka sngi Thohdieng haba kular ba ka Sorkar kan sa ai ia ki jingtip sha ki paidbah lada ki ioh bat ne ioh khubor ia ka jingwan rung.
U Bah Prestone ula pyntip ruh ba ka Sorkar Jylla kala shim ruh ia ki sienjam kiba kongsan ban khanglad ia kano kano ka jingwan rung ki mynder ri, khamtam namar ka jingnang iaid ka jingkyndang ia ki mynder ri ha Assam.
“Ha ka jingshisha, ngi la dep shong jingialang bad baroh ki tnad ba dei khmih. Ngi la dep bthah ia ka Director General of Police (DGP) bad ruh ia baroh ki Deputy Commissioner bad Superintendent of Police ba kin nang peitngor bha lada jia ba don kano kano ka jingwan rung ki briew lyngba ka Assam, kiba pyrshang ban rung sha Meghalaya” ula ong.
U Symbud Myntri Rangbah ula kular ba baroh ki bor pahara kynthup ki BSF, Custom bad ki Pulit ka Jylla, kila peit pyrman bha bad la dep bthah ruh ba kin shimkhia bha ia ka kam ha kaban iohbat ia ki mynder ri bala ioh rung beain hapoh ka Jylla.
 Bah Prestone Tynsong ula pynpaw ba haduh mynta ym pat ioh jingtip satia ia ka jingdon ki mynder ri kiba shah kyndang na Assam, kiba wan rung sha Meghalaya.){kind=link}