Nongpoh, Iaiong 08 : Ka National People’s Party (NPP)-Nongpoh Block, kala mih ban pynshai ba kam pat don satia ia kano kano ka jingtip halor ka khubor ba thmu u MLA ka UDP na Nongpoh Bah Mayralborn Syiem, ban wan pyniasoh noh sha ka NPP.
“Haduh mynta kum ki nongialam ka NPP ka Nongpoh Block, ngim pat don jingtip halor ka khubor ba thmu u MLA ka Nongpoh Bah Mayralborn Syiem ban wan pyniasoh sha ka NPP” ong ka kyrwoh na u President ka NPP –Nongpoh Bah Henry Nongrum bad u General Secretary Bah Bishar Timung.
Ki ong ba ka khubor ka mih ba u MLA un wan pyniasoh sha ka party bad ban iakhun ia ka elekshon MLA ban wan na ka NPP, hynrei ki pynshai ba kum ki nongialam ka Block kim pat iakren eiei halor kane ka mat ne ka ticket na ka bynta ka elekshon.
“Ka Block haduh mynta ka dang don ia ka MDC kong Rona Khymdeit kaba la jop don burom ha ka elekshon MDC da ka jingtrei shitom jong baroh ki nongialam bad ki dkhot ka Block bad ruh da ka jingkyrshan ba radbah ki paidbah ka Nongpoh constituency” kila pynpaw.
Halor ka ticket, kine ki nongialam kila pynpaw ia ka jingkyrmen ba ki Nongialam ka Jylla kin burom bad sngap ia ki nongialam ka Block halor ka rai iano ban ai ticket ha ka elekshon ban wan.
-Nongpoh Block, kala mih ban pynshai ba kam pat don satia ia kano kano ka jingtip halor ka khubor ba thmu u MLA ka UDP na Nongpoh Bah Mayralborn Syiem, ban wan pyniasoh noh sha ka NPP.){kind=link}