Shillong, Nailar 26: Ka Harijan Panchayat Committee (HPC) hynne ka sngi Nyngkong, kala kyrpad ia ka sorkar jylla ban pynjlan biang ia ka por na ka bynta ban ai jubab ha kaba iadei bad ka Blueprint, ban pynkynriah ia ki 342 tylli ki longiing ka Them Metor na Them Iew Mawlong.
Kane ka jingkyrpad kala mih hadien ba ka jingai por ba 15 sngi ka sorkar jylla ia ka HPC ban ai ia ka rai kaba khatduh, kan kut noh mynta ka sngi nyngkong.
Katkum ka kyrwoh khubor u Secretary ka HPC u Gurjit Singh ula ong, ba hadien ka jingialang kaba dang shu dep, na ka liang u Symbud Myntri Rangbah ka jylla ula ai jingmut iaka Committee ba kadei ban ai iaka jubab hapoh 2 taiew, hynrei ka HPC kala pynpaw ba ka jingai por kala lyngkot palat ia ki namar ba kin hap ban iasyllok bad ki bor ba halor jong ki Sikh.
“Ngi thmu ban iasyllok bad u Jathedar jongka Sri Akal Takht Sahib, ka Shiromani Gurdwara Prabandhak Committee ha Amritsar, ka Delhi Sikh Gurdwara Management Committee bad kiwei kiwei ki nongialam. Ka jingbtin lynti ka jongki ka long kaba kongsan bha,” la ong u Singh.
“Namar ka jingbym ioh ia ka por, ki nongialam ka niam Sikh kila pynpaw ba kin ym ioh por ban iasyllok eiei ha kine ki 2 ne 3 taiew ban wan”.
Ka shithi kala kdew ruh namar kitei ki daw, ka Harijan Panchayat Committee ka kyrpad ba ia ka jingialang ban wan halor katei ka mat dei ban pynlong ha ka taiew ba khatduh jong u Nailur. Ka Committee ka khmih ruh ba ha katei ka por, kin lah ban ai ia ka jingpynsngew ka jongki kaban long kaba ryntih lang na ka imlangsahlang baroh.
 hynne ka sngi Nyngkong, kala kyrpad ia ka sorkar jylla ban pynjlan biang ia ka por na ka bynta ban ai jubab ha kaba iadei bad ka Blueprint, ban pynkynriah ia ki 342 tylli ki longiing ka Them Metor na Them Iew Mawlong.){kind=link}