Shillong, Jylliew 29: U MLA ba shah sospon ka Congress Bah PT Sawkmie hynne ka sngi ula pan jingtip na ki karkhana dewbilat ba haduh katno kila noh synniang sha ka Jylla Meghalaya, kaba lah shag ktah jur ha ka jingtwa khyndew bad jingshlei um.
Ha ka kyrwoh, u bah PT Sawkmie ula ong ba ka jylla ka la mad ia ka jinglutksan kaba jur bha na ka jinshlei um, jingtwa khyndew bad jingduh ki mynsiew briew.
Une u MLA ula ong ba ki karkhana dewbilat kum ka Star Cement, Dalmia Cement bad Topcem Cement kila theh ia ka jingiarap pisa ka jong ki sha Assam kaba kot da T.1 klur, T.50 lak bad T.30 lak.
“Katno kine ki kompani kila ai sha ka Jylla Meghalaya kum ka jingiarap bad song pisa khamtam ba ka jingpynmih dewbilat ka dei nangne na Jylla jong ngi” ula buh jingkylli.
“Nga kyntu ia kine ki kompani ba kin ai jingkhein ba haduh ka song jingiarap pisa kila ai sha ka Jylla jong ngi” ula dawa.
