Nongpoh, Jylliew 16: Ka Khasi Students Union (KSU)-North Khasi Hills District, kala leit pan jingpynshai na Central Agriculture University (CAU), Kyrdem Kulai halor ka jingwanrah ia ki 7 ngut ki Nonghikai ka CAU na Manipur sha Meghalaya bad kumjuh ruh ia ka jingpynsahteng ban pyndep ia ka jingthungkam bala pynbna paidbah naduh u snem 2019.
Ka KSU-NKHD lyngba ka Eeducation Cell bala ialam da u Vice President Lambok Rymbai bad Education Secterary Banjop Maring, kila iakynduh ia u Dean ka College of Agriculture, Kyrdem Kulai Prof Dwipendra Thakuria, ban pan ia kine ki jing pynshai.
Haba iakren bad ki nongthoh khubor, u samla Banjop ula ong ba ka KSU ka sngewkhia jur halor ka jingioh jingtip ba ka CAU, Imphal kala pynkynriah kam ia 7 ngut ki Nonghikai sha ka College of Agriculture ha Kyrdem Kulai.
“Ngi sngewkhia jur ia kane namar la shu wanrah ia ki briew na shabar ka Jylla khlem da ailad shuwa ia ki trai muluk kiba don ka kyrdan ban shimti ia kane ka kam. Nalor kane, ki dang don bun ki kam ba lait kiba ki bor pyniaid ka College kim pat lah satia ban thung briew” ula ong.
Ula ong “Ngi la pan jingshai na u Dean ba ha kano ka rukom bala pynkynriah kam haduh 7 ngut na Imphal sha Kyrdem Kular. Ngi kwah tip la kine kila wan ryngkat bad ki bahaiing hasem ne ki wan tang ban trei shipor”.
“Ngi la pan jingshai ruh na u Deal ba balei haduh mynta kane ka jaka pulem kam pat pynlong ia ki eksam ne interview thungkam kaba long kat kum ka jingpynbna laitkam bala pynmih naduh u snem 2019” ula bynrap.
Kat kum ka jingong jong u, kane ka jingwan pan jingshai ka long halor ka nongrim ba ioh ka don ka jingiathungkam sop sop ne wanrah ia ki nongtrei na shabar ka Jylla kumba long ia kine ki 7 ngut kiba la pynkynriah na Imphal.
Haba kylli, u samla Banjo pula pyntip ba u Dean ula pyntip ba ka jingpynkynriah kami a kine ki 7 ngut na Imphal ka dei tang ka jingpynbeit ba shipor namar ka jinglong jingman ka suk ka sain ha Manipur. Ula pynthikna ruh ba kine ki briew kin sa leit phai biang sha Manipur hadien bala wanphai ka jingsuk ha kane ka Jylla.
Halor ka jingpynbna laitkam ba dang sahteng ban thung briew, u samla Banjop u pyntip ba u Dean ula kular ba ka College kan sa pynbna thymmai biang ia kane ka jinglait kam haba kular ruh ba ki kam kiba dei na ka bynta ki samla trai jaka, ka dei beit ban leit sha ki.
Pule ruh ia kane: Dawa ka VPP ban pynbeit ia ka jingthep kam Pulit ha ka Tnad MLP
PEIT:
-North Khasi Hills District, kala leit pan jingpynshai na Central Agriculture University (CAU), Kyrdem Kulai halor ka jingwanrah ia ki 7 ngut ki Nonghikai ka CAU na Manipur sha Meghalaya bad kumjuh ruh ia ka jingpynsahteng ban pyndep ia ka jingthungkam bala pynbna paidbah naduh u snem 2019.){kind=link}