Shillong, Nailar 20 : Ka Joint Committee of Local People on Kynshi Hydro Power Project (JCLPKHPP), kala kyntu ia ka Sorkar Jylla ban pyntip lem la ka don jingeh ne em ban pynim ia ka Kynshi Hydro Power Project stage-I.
Ha ka shithi sha u Myntri tnad bording Abu Taher Mondal ha ka sngi Ba-ar, u Chairman ka JCLPKHPP Roshem Myrthong ula ong “…lyngba kane ka shithi (ngi kwah) ban pan jingtip la ka don ene m kano kano ka jingthmu hadien habud ban pynim ia ka Kynshi Hydro Power Project”.
Ula pyntip ba ka Committee kala phah ia ka shithi ba 8 tarik Lber, 2024 sha u Myntri Rangbah ka Jylla Meghalaya ba pyntip halor ka jingsahnud halor ka jingbym pyntrei ia ki kam kiba dei jong ka power project.
“Ngi, ki dkhot jong ka Joint Committee, kila apkhmih lynti bha ia ka jingsdang noh jong kane ka project, kaba, kumba ngi la kdew ha ka shithi ba 8 tarik Lber, 2024, bala pynslem. Namar kala iaid katto katne por naduh ba ngi phah ia ka shithi ba khatduh, la kyrmen ba kala don kaei kei ha ka jingthmu (lada don) ban pynim pat ia kane ka project” ong u Bah Myrthong.
, kala kyntu ia ka Sorkar Jylla ban pyntip lem la ka don jingeh ne em ban pynim ia ka Kynshi Hydro Power Project stage-I.){kind=link}