spot_img

Pan jingpynshai ki nongkhaii mar rep na u CEM halor ka ain ba khang ban ot kilo

Date:

Share post:

Shillong, Nailar 28: Ka Joint Action Committee (JAC) ka Khasi Jaintia Fresh Vegetables Gingers Traders Association hynne ka sngi Nyngkong, kala leit ban pan jingpynshai na u Chief Executive Member (CEM) ka Khasi Hills Autonomous District Council (KHADC) halor ka ain thymmai bala tip kum ka Market Act, kaba mana ban ot kilo iaki mar rep ha Iewduh.

Haba kren sha ki lad pathai khubor hadien ka jingiakynduh ia u CEM, u Chairman ka JAC u bah Bristar Mawthoh ula ong ba kum ki nongkhaii kim pat shai bha halor kane ka ain thymmai ka ba khang ban ot kilo iaki mar rep.

U bah Bristar Mawthoh ula iathuh ba ka jingiakynduh ia u CEM ka dei hi ban pan jingpynshai halor kane ka ain thymmai ka Khasi Hills Autonomous District (Establishment, Management, and Control of Markets) (Second Amendment) Regulation Act, 2021 bad naka liang u CEM ula pyntip ba haduh mynta ka District Council kam pat dep ban frame iaki Rules ban pyntreikam ia kane ka ain thymmai.

Ula iathuh ba ka JAC kala pyntip ruh sha ka District Council haba iadei bad ka jingeh ba ki nongkhaii trai jylla ki iakynduh naka por shaka por khamtam haba ki nongrep ki wan die iaki mar, ki thep lang ruh iaki mar bala sniew.

“Naka liang ka JAC ruh kan sa pynkhreh iaki jingai jingmut bad ka sa phah shaka district council ban shimkhia halor ka jingeh ki nongkhaii namar lada pyntreikam ia kane ka ain thymmai, ki nongkhaii ruh kin hap ban da jied bha ia ki mar rep” la ong u bah Bristar.

U bah Bristar ula ong naka liang u CEM ula kular ban shimkhia iaka jingeh jong jong ki nongkhaii bad ki nongrep ruh kumjuh khnang ban pynthikna ba kane ka ain thymmai kam dei ban ktah iaki nongrep ne iaki nongkhaii.

Share post:

spot_img
spot_img

Popular

More like this
Related

Sngewkhia u Myntri ba rai iakhih ka AKMTTA bad ba byrngem kylla sa ka Association na Assam

Shillong Nailur 06: U Myntri ka kam jngohkai u...

Shah kem 17 ngut ki nongtuh Bike

SHILLONG, Nailur 6: Ki pulit ka jylla kila ioh...

Heroin worth ₹1 crore seized in Shillong, Woman held

Shillong, Sept 6: The Anti-Narcotics Task Force (ANTF) of...

Shah kem ka Longkmie bad ioh kurup droks ba shongdor T.1 Klur

Shillong, Nailur 06: Ki pulit jong ka Anti Narcotics...