Shillong, Nailur 03 : Ka Sorkar Jylla kala khot ia ki jingai jingmut na ki paidbah halor ka Draft Meghalaya State Agriculture Policy, 2026.
Ha ka jingpynbna ba pynmih ha ka sngi Palei, u Commissioner & Secretary ka Tnad Agriculture Dr Vijay Kumar D ula ong ba ia kane ka Draft kaba don 61 sla bad 10 section lem bad artylli ki annexure, la buh ha ka rynsan paidbah.
Ia ki jingai jingmut lah ban phah ha ka [email protected], [email protected] bad [email protected] tad haduh ka 30 tarik Nailur, ryngkat ka jingkdew ia ki kyndon bad ki sla.
Ka Tnad kan pynlong ruh ia ka jingiasyllok bad ki kynhun ba don bynta kynthup ki nongrep, ki cooperatives, ki nongsengkam bad ki stad saian hashuwa ban rai khatduh ia ka policy.
