Shillong, Lber 08: Ka Voice of the People Party (VPP) hynne ka sngi ka kyntu iaki paidbah ka jylla ban ai ka jingkyrshan iaki kyrtong ka VPP ki ban iakhun sa iaka elekshon Member of Parliament (MP) bad MDC ha ki District Council jong ka jylla Meghalaya.
Ka kyrwoh bala wan na u nongaitktien ka VPP u Dr. Batskhem Myrboh ula pyntip ba haduh mynta ka Party kam pat shim rai halor ki kyrtong ki ban iakhun iaka elekshon MP 2024 bad iaka elekshon MDC hapoh ka jylla.
U Dr. Batskhem ula ong ba ia baroh ki kyrtong na ka bynta kine 2 tylli ki elekshon, ka Party kan sa shong ban pyrkhat bad kan sa shim haka por kaba biang.
Haba ai khublei ia u paidbah uba la kyrshan iaki kyrtong ka VPP ha kane ka elekshjon MLA kaba dang shu dep, u Dr. Batskhem ula ong “Ka jingkyrshan jong phi kala pynlong iaka ban sei ia 4 ngut ki kyrtong kila jop kum ki MLA lane ki nongthaw ain kiba iasaid hapoh ka ïng dorbar thaw ain”.
U Dr. Batkshem ula pynpaw ba ka jingkyrshan u paidbah iaka Party kaba ieng haka nongrim ban wanrah ka synshar khaddar kaba khuid bad ba suba kan pynlong ia kiwei ki jylla ka ri India ban shim nuksa na ka jylla Mgehalaya haba iadei bad ka synshar khaddar.
Kumban shu pynkynmaw ba ka VPP watla ka dang dei ka Party ba thymmai hynrei kala jop 4 ngut ki MLA ha kane ka elekshon kaba dang shu kut haka 7 tarik Rymphang 2023.
