Shillong, Lber 08: U nongtem ba pawnam ka jylla bah Lou Majaw hynne ka sngi balang, ula pyllait paidbah iaka poetry phareng bala ai kyrteng ‘Brittle’ kaba la thoh da ka kong Riniki Chakravarty Marwein.
Ia kane ka kot la pyllait paidbah haka jingialang bala pynlong hapoh ka Dylan’s Café Shillong haka jingdon lang kiwei ki nongthoh kot, nongthoh jingrwai bad ki nongput nongtem kiba paw jong ka jylla.
Haba kren ha kane ka sngi ka kong Riniki Chakravarty Marwein kala iathuh ba ia kane ka kot poetry ‘Brittle’ la thoh haka por ba wan jia ka khlam covid-19 bad lyngba ka jingai mynsiem na ki ha baïng hasem kala pynleit jingmut ban pyndep ia kane ka kot poetry.
Ka kong Riniki kala ong ba kane ka kot poetry ‘Brittle’ kadei ki khana lyngkot lane ki poetry kiba iadei bad ki jinglong khynnah, ha ïng ha sem, ki jingieid, ki jingduhnong bad ki jingkynmaw bad kumno ka leh haba wan ki jingeh haka por ka khklam Covid-19.
