Shillong, Rymphang 19 : Ki Pulit ka West Jaintia Hills District kila pynmih ia ka jingpynbna paidbah ba bthah ia u Elias Shylla (22) ba un wan mih hakhmat u Special Judge (POCSO), Jowai, haba iadei bad ka case POCSO.
U Elias uba dei u nongshongshnong ka Lumlakhiat, ula rieh na ki bor Pulit bad khlem wan mih satia sha Iingkashari, kaba pynbor ia ka IIngkashari ban pynbna ia u kum u nongphetrieh.
Ka Iingkashari kala bthah ban pynmih iakane ka jingpynbna paidbah hapoh ka kyndon 82(2)(3) jong ka CrPC.
U Superintendent of Police ka District, ula kyntu ia ki paidbah ba kin ai ia kano kano ka jingtip ia ka jaka ba u Elias Shylla u don sha ka Women Police Station, West Jaintia Hills, lane sha ki Police Station ba marjan.
“Kino kino ki briew kiba don jingtip shano ba une u nongshah kynnoh u don, la kyrpad ba kin ai jingtip mar mar sha ka Women Police Station, West Jaintia Hills District ne ki Police Station ba marjan” ong kane ka jingpynbna.
 ba un wan mih hakhmat u Special Judge (POCSO), Jowai, haba iadei bad ka case POCSO.){kind=link}