Shillong, Nailar 28: Ka All Jaintia Muster Roll Workers and Labours Union hynne ka sngi kala kynnoh ba ka Sorkar Jylla ka khlem pat pyntreikam pura ïa ka Meghalaya Regular Casual Workers scheme 1996 mynta la 28 snem.
Haba kren sha ki lad pathai khubor, ka President ka All Jaintia Muster Roll Workers and Labours Union Kong Dayoowanphi Iakai kala iaroh ia u MLA ka Nongpoh Bah Mayralborn Syiem u ba la wanrah iaka mat hapoh ka Iingdorbar Thaw Ain.
Ka kong Dayoowanphi kala kynnoh ba haduh mynta ki tnat treikam Sorkar hapoh Rilum Jaintia kim pat pyntreikam satia iaka ka Meghalaya Regular Casual Workers scheme 1996.
Kala kyntu ruh ia u Myntri Rangbah ka Jylla u Conrad K Sangma ban bthah iaki Ophisar ha baroh ki tnat treikam Sorkar ban pyntreikam pura noh ia kane skhim naka bynta ka jingmyntoi jong ki nongtrei Casual.
“Kumba ka long mynta, ia ka Meghalaya Regular Casual Workers scheme 1996, la pyntreikam pura tang ha ki 2 tylli ki ki tnat ka Sorkar Jylla -ka tnat Horti Agriculture, Soil and Water Resource” ong ka Kong Dayoowanphi.
Kala kam ba wat ka tnat PWD ruh ka dang pyntreikam tang mar shiteng iaka skhim. Kala pyntip ba ki tnat ba khlem pat pyntreikam iaka skhim ki kynthup ka tnat PHE bad ka Arts and Culture.
