Shillong, Naiwieng 06: Kumba 22,742 ngut ki samla kila aplai ia ka kam kaba lait tang 445 tylli hapoh ka tnat Meghalaya’s Civil Defence and Home Guards.
Ka jingpynrung kam ka ban kynthup ia ka Physical Efficiency Test (PET), kan sdang biang naduh ka 18 tarik haduh ka 21 Naiwieng 2024.
“Ka jingdon jong ki nongaplai kam ka long kaba palat, ha kaba ki don 22,742 ngut kiban iakhun naka bynta 445 tylli ki kam” ong u ma Comingone Ymbon Myntri ka tnat Civil Defence and Home Guards.
Ki kam ba la pynbna ki kynthup ïa ki 2 tylli ki kam Sub-Inspector, 284 tylli ki Guardsmen, 17 tylli ki Driver, bad 140 tylli ki Non-Combatant Employees (NCE).
Ia ki test yn pynlong ha ki 2 tylli ki jaka kata ha Shillong bad ha Tura.
Ia ka PET la pynkyniah noh haba nyngkong namar ka jingbym sngewhun iaka jaka pynmareh bad hadien ki jingujor bad ka jingleit jurip, u Bah Coming u la rai ban pynïaid shakhmat ïa ka PET hapdeng ka 18 bad 21 tarik Naiwieng 2024.
Ki kyrtong kiba la buh por mynshwa ban leh ïa ka Physical Measurement Test (PMT) bad PET ha ka 4, 5, 7, bad 8 Risaw ryngkat bad kito kiba pyndep ïa ka PMT bad PET ha ka 2 bad 3 tarik Risaw ki hap ban sei ïa ki Admit Card ba la pynthymmai.
Ia kine yn lah ban ioh ha ka Website jong ka tnad www.meghomeguards.gov.in naduh ka 6 tarik u Naiwieng 2024.
