Shillong, Naiwieng 09 : U Myntri Rangbah ka Jylla Conrad K Sangma hynne ka sngi Balang ula ong ba ka Sorkar Jylla ka hap ban pynneh kumba ka long (maintain status quo) haba phai sha ka Job Reservation Policy ne ka bhah thungkam thungjam jong ka Jylla.
“Ngi hap ban pynneh kumba ka long ia ka bhah thungkam thungkam lada kren da kaba shai” ong u Conrad haba iakren bad ki nongthoh khubor.
U Myntri Rangbah ula kynthoh ia kane halor ka jingdawa ba dang shen jong ki katto katne ki Sengbhalang ba dei ban bishar bad pynkylla ia ka State Reservation Policy haba kynnoh ba kala noh shiliang sha kiwei pat ki jaidbynriew riewlum ka Jylla.
Halor ka hukum ba dang shen jong ka Iingkashari Supreme Court ba on gba ka Reservation Policy kam lah ban shu treikam sah, u Myntri Rangbah ula ong ba kam mih satia ka jingkylli ba ngin ktaid biang ia ka Reservation Policy.
“Ngi la kren da kaba shai ba ngin pynneh beit kumba ka long. Nga tharai ka Iingkashari Supreme Court kala pynmih ia kane ka hukum kum ka jingsngew namar hadien habud hi, ngin hap ban jam shakhmat. Ngam kwah ban kynthoh palat halor kane” ula ong.
