Shillong, Naitung 05: Ka Khasi Students’ Union NEIAH Unit ryngkat ka jingiatreilang bad ka Kyrmen Foundation, ka NEIAH (North Eastern Institute of Ayurveda and Homoeopathy) bad ka NEHU Students’ Union, kila pynlong ia ka jingnoh synniang ia ka snam ne ka Voluntary Blood Donation Camp ha NEIAH ha 2 tarik mynta u bnai.
Ka jingthmu jong kane ka jingnoh synniang ia ka snam, ka long ban iarap ia ki paidbah ha ka por ba ki donkam kyrkieh ia ka snam hapdeng jongka jingshah sumar.
U K. Nongkynrih, President ka KSU-NEIAH UNIT ula pyntip ba ha kane ka sngi, kila don 75 ngut kiba la wan shakhmat ban noh synniang ei ia ka snam ka jongki kum ka dak jong ka jingsngewlem bad ka mynsiem ban iarap ia kiwei pat ki para briew bad ia kine kiba la noh synniang ia ka snam la ai sngewbha da k isertiphiket bad ki jingbuh sah kynmaw.
Ka President jong ka Kyrmen Foundation ka Kong Cornellia Dkhar bad ka Secretary ka Kong Simi Kongthiang, kila pynpaw ia ka jingsngewnguh ia ka skulbah NEIAH, KSU NEIAH UNIT bad ia ka NEHUSU.
Kine ki kynhun kila pynpaw ruh ka jingsngewnguh ia ki samla kiba la kloi ban wan shakhmat ban noh synniang ia la ka snam.
 bad ka NEHU Students’ Union, kila pynlong ia ka jingnoh synniang ia ka snam ne ka Voluntary Blood Donation Camp ha NEIAH ha 2 tarik mynta u bnai.){kind=link}