Shillong, Nailar 05: Ka Association of Power Engineer (AOPE) jong ka Meghalaya Electricity Corporation Limited (MeECL) hynne ka sngi thohdieng kila noh synniang haduh T.1 lak kum ka song jingiarap ia iwei I Khynnah iba la duh noh ia baroh artylli ki kti na ka jingshah lympat bording kaba jia ha ka shnong Mawkohphet, South West Khasi Hills.
Lah ban kdew hangne ba ha ka 21 tarik Iaiong, iwei I Khynnah ba kyrteng i Ibapynhun Iawphniaw, iba dang pule nursery, ila hap ban dkhat noh ia baroh artylli ki kti namar ka jingshah lympat bording kaba jia ha uwei u Transformer ba don marjan ka skul jong I ha Mawkohphet.
Hadien kane ka jingjia, ka Khasi Students Union (KSU), South West Khasi Hills District kala pynrem jur ia ka jingleh thurmur jong ka Meghalaya Power Distribution Corporation Ltd (MePDCL) bad dawa ruh ia kane ka Tnad ba kan siew ia ka bai lutksan ba shirta jong ine I Khynnah kynthei.
