spot_img

Noh synniang ka Rotary club da ki blanket sha ki Nongpang ka Halfway Home ha Jowai

Date:

Share post:

Jowai, Nohprah 26 : Ka Rotary Club, Jowai kala noh synniang da ki blanket sha ki nongpang ba shah sumar hapoh ka Halfway Home, kaba don ha ka shnong Sabah Muswang, Jowai, West Jaintia Hills hynne ka sngi Ba-ar.

Ka Halfway Home, ka dei ka jaka sumar ia ki briew kiba don jingpang ha ka khlieh ne ba duna ha ka bor pyrkhat pyrdain bad ka dei kaba la pyniaid da ka Society for Urban and Rural Empowerment (SURE), Jowai.

Ia kane ka jingaiti ia kine ki jain syaid la pynlong ha Halfway Home ha ka jingiadonlang u President bad Vice President ka Rotary Club, Jowai.

Haba ai jingkren, u President ka Rotary lub Deibormi Toi, ula pynpaw ia ka jingsngewkhia halor ka jingnang bun ki briew ki don jingduna ha ka bor pyrkhat pyrdain. Ula pynpaw ia ka jingsngewnguh ia ka SURE kaba ailad ia ka Rotary Club ba kan ai ia ki ariaiarai sha kine ki briew kiba donkam ia ka jingiarap.

U Vice President SK Lato ula iaroh ia ka SURE halor ka jingai jingshakri ia ki briew kiba don jingduna ha ka bor pyrkhat pyrdain bad pypaw ia ka jingsngewkmen ba ma u bad ka Club kila lah ban kner ia ka kti jingiarap sha kine ki briew.

Share post:

spot_img
spot_img

Popular

More like this
Related

134th Durand Cup | Pynliem ka Malaysian Armed Forces ia ka Rangdajied da ka shi kol

Shillong, Nailar 05 : Ka kol kaba la wan...

Aiti ka Sorkar mar T.10,000 sha ki nongshong dukan madan ba pynkynriah na Khyndailad

Shillong, Nailar 05: Ka Sorkar Jylla hynne ka sngi...

Pan jubab ka Iingkashari na ka SMB ba kynnoh pynduh CoV ia ki nongshong dukan madan

Shillong, Nailar 05 : Ka Iingkashari Meghalaya High Court...

Pdiang sngewbha u Conrad Sangma ia ka jingwan pyniasoh NPP u MLA ka Mylliem

Shillong, Nailar 05 : U National President ka National...