Shillong, April 25: Ka Universal Sompo General Insurance Company Ltd, kum shi bynta jongka jingshimkhia ban noh synniang sha ka imlang sahlang ha ka liang ka koit ka khiah, kala noh synniang ia 3 tylli ki Haemodialysis Machines, 2 tylli ki Cardiac Monitor Machines, kawei ka Ultrasound Machine bad 2 tylli ki Dialysis Couches sha ka Civil Hospital, Shillong.
Ka Shillong Civil Hospital kadei kaba don ia ki kor ki bor ban ai jingsumar ia ki nongpang kiba kynthup ha ka lain medicines, surgery, orthopaedic, E.N.T, ophthalmology, cardiology, Dentistry, Psychiatrist, Radiology bad kiwei kiwei.
Da ka jingdon ia kitei ki tiar ki tar, kane ka Hospital kala long kum ka shlem kaba ai jingim ia ki paidbah ka nongbah Shillong bad ia kiba nabar ruh kumjuh.
Pule lang ia kane: Tripura: Shah thombor u YouTuber ba iashim bynta ki model Hindu ha ka ‘Eid Eid music video’
U Sharad Mathur, MD & CEO, Universal Sompo, haba ai jingkren ha ka jingnoh synniang ia kitei ki tiar ki tar, ula ong, “Ka jingioh ia ki tiar sumar kiba paka, kadei kawei na ki bynta kiba kongsan ha ka lad ai jingsumar sukher ha ka ri. Da ka jingnoh synniang ka jong ngi ia kitei ki tiar ki tar sha ka Civil Hospital, Shillong ngi thmu ban pynkup bor ia ki paidbah ban ioh iaka jingsumar kaba bha. Ngi kyrmen ba bun ki paidbah kin ioh ban pyndonkam ia kitei ki tiar sumar kiba kongsan bad ba kin ioh iaka jingim kaba koit ba khiah”.
“ La noh synniang iaka Haemodialysis machine bad Dialysis Couches da kadei da kaba buh jingmut na ka bynta ki nongpang kiba pang u Kidney, katba ka Cardiac Monitor Machine kadei na ka bynta kito kiba pang Heart bad iaka Ultrasound Machine la buh, khnang ban lap kloi ia ki jingpang bad ban ioh ban ai jingsumar” ula bynrap.
U Mathur ula ong, “Da kaba buh ia kine ki kor ki bor ai jingsumar ha ki jaka kiba don shajan jong ka ri, ngi buh iaka thong ba ki paidbah ka Shillong bad ki jaka kiba marjan kin ym donkam ban leit shaduh sha jngai ban ioh iaka jingsumar kaba bha. Ngi kyrmen ban gin lah ban bteng ban ai ka jingkyrshan ha kaban pynbiang ia ki tiar ki tar ai jingsumar na ka bynta ban pynlong iaka ri kaba khlain”.
Ia kitei ki tiar bad ki kor ki bor kiba thymmai, la pdiang sngewbha da baroh khamtam haba kin pynlong iaka Civil Hospital ba kan lah ban ai shuh shuh ka jingshakri ia ki nongpang bad kan long ruh ka jingmyntoi iaki longing ki bym don ia ki lad ki lynti ban leit phah sumar shabar jong ka jylla.
Pule lang ia kane: Buddien u Bah Hamlet ïaka scheme JJM, hiar leit jurip ïaki tyllong um ha Sangmeiñ
