Nongpoh, Iaiong 11: Kawei ka trok kit dewiong bala suba jur ba dei kaba khaii be-ain, kala hap shapoh kawei ka riat bah ha ki bynta jong ka shnong Umling.
Kane ka trok ka dei kaba don u nombor ML07-B-9154 bad ka dei kaba wan na ki thain West Khasi Hills.
Kat kum ka khubor Pulit, kane ka trok kala pyndonkam ia ka surok khlaw na ki bynta jong ka Mairang-Umrit-Lailad-Umling ban lait na ka jingshah talasi ha ki Pulit ha ki surok bah.
Ha kane ka jingjia, u nongniah bad u nongbud jong kane ka kali kila mynsaw jur bad na ka liang jong ki nongrep bad ki paidbah ba sakhi ia kane ka jingjia, kila leit ban ai jingiarap bad ban pynkit mar mar ia ki sha ki jaka ai jingsumar.
U Superintendent of Police ka Ri-Bhoi District u Giri Prasad ula iathuh ba ki Pulit kila register case halor kane ka jingjia bad ka jingtohkit mynta kala iaid shakhmat ban pynthikna ia ka jingkhaii tuh ia une u dewiong. Ula pyntip ruh ba ia kane ka trok yn sa tan noh hi mynta ka sngi na kane ka jaka.
Pule lang ia kane: Khang ka KHADC ia ki Rangbah Shnong, Myntri bad Sordar ban iadonbynta ha ka kam sain pyrthei
