Halor ka jingshah mait kyrteng u Rahul kum u MP ka Lok Sabha
Shillong, Lber 25: U President ka National Peoples’ Party (NPP) bad Myntri Rangbah ka Jylla, Conrad K Sangma, hynne ka sngi saitjain ula niew ia ka jingleh u Nongialam ka Congress Rahul Gandhi ban kob ia u Myntri Rangbah duh ka Ri Narendra Modi kum ka kam bym ‘sngew iahap’ hadien ba ula shah pynngat ha ka jingpynsajia na ka mukotduma bai mynrain khmat ha ka Iingkasahri na Surat.
Haba kynthoh ia ka jingshah mait kyrteng u Rahul kum u MP ka Lok Sabha hynnin ka sngi thohdieng hadien ka jingai rai ka Iingkashari ha kaba la hukum ban set along arsnem ia u Rahul, u Conrad ula ong ba long kabym iahap ba u Rahul um pdiang ia ka rai jong ka Iingkashari bad ia ka Rule jong ka Election Commission of India (ECI).
Ula ai jingmut ba u Rahul Gandhi u dei ban pdiang ia ka rai jong ka IIngkasahri ha ka jaka ban kawang ktieh ia u Myntri Rangbah Duh Narendra Modi, bad kumjuh ruh ban pdiang ia ki Rule bala buh da ka ECI.
Lah ban kdew hangne, ha ka jingiakren ialap elekshon ha u snem 2019, u Rahul Gandhi ula kren bein ia u Myntri Rangbah Duh bad buh jingkylli balei ba baroh ki Nongtuh ki dei na ka jait Modi.
“Kum kane ka jingkren ka dei ka jingibein ym tang ia u Myntri Rangbah Duh ka Ri hynrei ia baroh ki jaidbynriew OBC” ong u Conrad.
Ula kyntu ia u Rahul Gandhi ban panmap halor ka jingkynthoh bad ban pynleit jingmut ha ka kam ban pynbeit noh ha ka jaka ban iai kob ia u Myntri Rangbah ha kum kane ka por.
Haba kylli la kane ka jinglong jingman kan ktah ia ka Congress ha ka elekshon MP-2004, une u Nongialam ka NPP ula ong ba khlem pep kan ktah jur bha ia ka congress ha u 2024.
“Ka Congress kala mad ia ka jingeh ba tasam ha u 2014 bad 2019, bad kane ka jinglong jingman kan nang ktah ia ka congress ha ka elekshon 2024” ula ong.
