Shillong, Naiwieng 01 : U International Chess Master na India Sagar Shah u ngeit ba ka Meghalaya ka lah ban pynmih ia ki grandmaster ha ka jingialehkai chess ha kine ki 10 snemm ban wan haba khmih ia ka jingdonsap ki brew hapoh ka Jylla.
Une International Chess Master bad ka kynhun jong u na ka ChessBase India kila don ha Shillong ban iadonlang ha ka camp ialehkai cheshh ba 3 sngi jong ki samla pule bad ki nongshah hikai, kaba la pynlong ha Hotel Courtyard naduh ka 29 tarik Risaw haduh ka 1 tari Naiwieng, 2024.
Ia kane kacamp la pynlong da ka Meghalaya Chess Association ha ryngkat bad ka State Council of Science, Technology & Environment.
Palat 150 ngut ki nongiashimbynta kynthup ia palat 100 ngut ki coach na kylleng ka Jylla Meghalaya, kila iashimbynta ha kane ka camp, kaba thmu ban kyntiew ia ka jingialehkai chess bad nang pynroi ia ka sap ialehkai jong ki khynnah bad ki samla hapoh ka Jylla.
Haba kren ha ka jingialang plie ia ka camp, u Shah ula ong “Nga I phylla ia ka jingieid bad ka sap ialehkai chess jong ki samla ka Jylla Meghalaya. Da ki jinghikai kiba thikna bad ki jingkyrshan, nga ngeit skhem ba ka Meghalaya kan sa iohi ia u/ka Grandmaster ba nyngkong eh ha kine ki 10 snem ban wan”.
Ki Nongkitkam ka Meghalaya Chess Association kila ai khublei ia u Sagar Shah bad ia ka kynhun halor ka jingsam ia ki jing tbit bad jingai mynsiem ia ki pateng ban wan jong ki nongialehkai chess ha Meghalaya.
