Nongstoin, Nailar 01 : Ka Iingkashari Special Judge (POCSO) Nongstoin, kala hukum ban set along haduh 20 snem lem bad ka kuna ba T20,000 ia uwei u runar uba leh beijot ia arngut ki shipara ba dang khynnah ha ka thain Mawshynrut.
Une u runar u kyrteng u Basil Marngar ia uba la register case hapoh ka Mawshynrut Police Station kat kum ki kyndon 5(I) (n)/6 3(b)/4 ka POCSO Act.
Ia kane ka case la tohkit da ka WPSI DP Nongbri jong ka Nongstoin Women Police Station kaba la chargesheet kat kum ki kyndon bala pynngat nalor ka kyndon 506 IPC.
Ka Iingkashari ha ka 30 tarik Naitung, hadien ba bishar ia ki sakhi satar, kala rai pynrem ia u Basil bad hukum ban set along haduh 20 snem lem bad ka kun aba T.20,000 ne ka shong along ba 6 bnai lada ym lah siew ia ka kuna.
 Nongstoin, kala hukum ban set along haduh 20 snem lem bad ka kuna ba T20,000 ia uwei u runar uba leh beijot ia arngut ki shipara ba dang khynnah ha ka thain Mawshynrut.){kind=link}