Imphal, Nailar 01 : Ki briew ba kylla phetwir bad ba sah ha kylleng ki jaka ha Manipur, kila pynlong ia ka rally kaba heh bha ha Imphal ban dawa ia ka Sorkar Jylla ba kan ai ia ka jaka sah kaba biang ia ki.
Palat 60,000 ngut ki briew kila kylla phetwir hadien ba khie ka thma iapher jaidbynriew hapdeng ki jaidbynriew Kuki bad Meitei naduh ka 3 tarik Jymmang 2023. Kine ki briew kila sah ha ki ktem riehtngen ba shipor ha kylleng ki jaka ka Jylla bad ki Jylla ba amrjan.
Kane ka rally kala wan jia ha ka por ba dang don ka dorbar lyiur jong ka Iingdorbar Thaw Ain ka Jylla.
Katba ki phetwir ki dang iaid rally ha Imphal ban dawa jaka sah kaba biang, ki Pulit kila mih ban khang bad hap ban siat da ki tyndong lyer pynsat khmat khnang ban nym ailad ba kin iaid rally.
Kane ka rallu kaba la dang na ka Akampat Relief Camp, kala shah khang lynti ha ki bor pahara namar ka jingthmu jong ki ban iatur sha ka Iingsah u Myntri Rangbah ka Jylla.
