spot_img

Ngat shong phatok bun snem ki 2 ngut ki nongleh beijot Khynnah rit ha WKH

Date:

Share post:

Nongstoin, K’lyngkot 10 : Ka Iingkashari Special Judge (POCSO) ka West Khasi Hills, kala hukum ban set along bun snem ia arngut ki runar kiba donkti ban leh beijot ia ki khynnah rit ha ki artylli ki jingjia, iwei iba dang 10 snem bad iwei iba dang 13 snem ka rta ha u snem 2018.

Ha kawei ka jingjia, uwei u runar ula leh beijot ia iwei I Khynnah 10 snem ha u bnai Nohprah 2018 bad une u runar u kyrteng u Slanbor Marwein, uba la shah kem ha ki Pulit ka Nongstoin Police Station halor ka ejahar bala mudui pyrshah ia u ha ka 7 tarik Nohprah, 2018.

Ki pulit kila register case ia u Slanbor hapoh ka kyndon 506 IPC pule lang bad ka 5 (m)(n)/6 POCSO Act ia kaba la tohkit da ka WPSI FK Marak jong ka Nongstoin Women Police Station.

Ka Iingkashari POCSO ha ka 3 tarik Kyllalyngkot, kala pynmih ia ka hukum ban set along ia une u runar haduh 10 snem nalor ka kuna ba T.30,000 halor ka kyndon 6 jong ka POCSO Act bad set phatok sa shisnem bad ka kun aba T.5000 kat kum ka kyndon 506 IPC.

Ha kawei pat ka jingjia, uwei u runar ula leh beijot ia I khynnah 13 snem ha u bnai Naitung, 2018 bad une u briew u kyrteng u Pynshailin Sangriang, ia uba la kem da ki Pulit ka Nongstoin Police Station halor ka ejahar bala mudui pyrshah ia u ha ka 25 tarik Naitung, 2018.

Ia une u briew la register case hapoh ka kyndon 7/8 jong ka POCSO Act bad la tohkit hi ia ka da ka WPSI FK Marak jong ka Nongstoin Women Police Station.

Ka Iingkashari ha ka 5 tarik Kyllalyngkot, kala hukum set phatok ia une u briew haduh 7 snem lem bad ka kun aba T.20,000 kat kum ka kyndon 4 jong ka POCSO Act.

Share post:

spot_img
spot_img

Popular

More like this
Related

Thmu ka Sorkar ban pynlong jingiakop ia ki shnong ba thung bun eh ki dieng Cherry Blossom

Shillong, Jylliew 29 : U Myntri kam jngohkai Bah...

Kynnoh ka HYC ba pyndonkam bakla ia ka MMMRF ban pynjyrngam biang ia ka mei mariang

Shillong, Jylliew 28: Ka Hynniewtrep Youth Council (HYC) ha...

Kynnoh ka HNLC ba pyndonkam ka MLP ia ki lui lui kum ki ‘Trophy’ ban pynphriang khubor lamler

Shillong, Jylliew 28 : Ka Hynniewtrep National Liberation Council...

Yn mihkhmat ka Samla Aibankyrmen ia ka Jylla sha ka National Arm Wrestling na WKH

Nongstoin, Jylliew 27 : Ka samla Aibankyrmen Wanñiang, 22...