Shillong Nailar 28: U Chairman jong ka Regional Committee ka West Khasi Hills Bah Paul Lyngdoh hynne ka sngi Nyngkong ula ong ba ka jingdon ki pulit ka lah ban ai jingshngain bad ka lah ruh ban wanrah iaka jingsyier jong ki paidbah ha khappud.
Haba kren halor ka jingjia ha shnong Lapangap ha West Jaintia Hills district, ha kaba ki pulit ka jylla kila shah thombor bad shah siat da ka jri, u Myntri ka sorkar jylla u Bah Paul Lyngdoh ula ong, katkum ka jingtip kaba ula ioh, katei ka jingjia kadei kaba la shu jia ryngkhat.
“Ki pulit kila hap ban mad ia katei namar ba kim shym la ioh ia ki jingtip kiba paka ia kaei kaba jia, hynrei kaei kaba nga lah ban ong, ka long ba kadei ka jingjia kaba la shu jia ryngkhat hynrei haba peit kyllum ia kiei kiba la jia naduh mynshwa, ki jingiakynad ha ka thain khappud kila duna bha bad dei na kane ka daw, haba don kawei ka jingjia la phaikhmat lut da baroh ki lad pathai khubor” ong u Bah Paul.
Haba kaba iadei bad ka thain Langpih, u Bah Paul ula ong, “Ka West Khasi Hills ka long kaba jai jai namar la pynpaw shai kdar sha ki paidbah jong katei ka thaiñ ba ki dang iakren ia kane ka kam ha kaba iadei bad ka jingpynbeit ia u pud u sam bad ngim kwah ba kan mih kano kano ka kynrum kynram”.
Haba jubab iaka jingkylli u Bah Paul ula ong, “Ka jingdon ki pulit ha kawei ka liang ka lah ban wanrah iaka jingshngain, hynrei ka jingdon ki pulit ka lah ruh ban wanrah ia ka jingsheptieng ia ki briew, kumta kan shong eh ha ka rukom long jongka jinglong jingman”.
Ha kaba iadei bad ka jingphet ki pulit Meghalaya na ka shnong Lapangap u Bah Paul ula ong, “Ha kaba iadei bad kaei kaba jia ia ki pulit jong ka Meghalaya, nga hap wad ia ki jingtip naka tnad Pulit hynrei katkum ka jingtip, ka long ba kine ki Pulit kim shym la poi pyrkhat bad kim shim la tip ia kaei kaba jia bad kila shu don hapdeng jong ka jingiakajia bad kim shym la long kiba la pynkhreh bad na kata ka daw ki hap ban kynriah noh”.
Pule lang ia kane: Dawa ka KHNAM ban pynrung dkhot ia ki Trai Jylla ha ka Committee bishar Reservation Policy
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
