Nongstoin, Nailur 23 : Uwei u Pulit Langrut ka Jylla, ula ngam jyllop ha ka wah Kyrshai, West Khasi Hills, hynne ka janmiet sngi Nyngkong.
Une u Pulit u kyrteng u Shangding Nongsiej jong ka West Khasi Hills DEF uba la buh ban shakri ha Kyrshai Outpost.
Mar syn ioh jingtip ia kane ka jingjia, ki Pulit na Outpost, kila hiar wut wut sha katei ka wah ban pynlong ia ka jingiawad ia ka met.
Da ka jingiarap ki trai shnong, ki Pulit kila ngam shapoh um bad hadien kila ioh ban tam noh ia ka met.
Ia ka met la kit noh sha hospital ban pyndep ia ka post mortem bad ka jingtohkit mynta kala iaid shakhmat ban pynthikna ia ki daw jong ka jingiap.
